Халықаралық балалар кітабы күні аясында біздің балабақшамызда  балалардың кітапқа ұқыпты қарауы мен  рухани байлығын жетілдіру мақсатында  «Кітаппен бірге өсеміз!» тақырыптық кітап апталығы ұйымдастырылды.  «Ойнап шешейік»,  «Кітаптың мерейтойы», «Менің сүйікті кітабым», «Өз қолымызбен жасаймыз» тақырыптары бойынша іс-шаралармен аптаның әр күні қызыққа толы өтті.  Балалар бар қызығушылықтарымен әдеби викториналарға, байқауларға белсене  қатысты. Кешкісін ата-аналарға балаларымен бірге балабақшаның кітапханасына  баруға мүмкіндік туды. Олар «Үйде нені оқу керек? Қалай оқу керек?»  сауалдарына кеңес алды.  Апталық соңында  «Ең үздік кітап бұрышы», «Белсенді оқырман», «Балалар кітабының білгірлері»  байқаулардың  қорытындысында топтар мен балалар  мадақтамаларымен марапатталып, оларға естелікке кітаптар сыйға тартылды.