Кітап апталығы аясында барлық топтарда «Тек кітап туралы емес, басқа да...» атты ата-аналарға арналған ақпараттық-ағартушылық көрме ұйымдастырылды. «Сүйікті кітабымды иллюстрациялаймыз», «Кітапшаны өзіміз жасаймыз», «Барлық жерде кітаппен»   атты сайыстар өткізілді.

Әр күн белгілі бір тақырыппен өтті.

 «Көне қолжазба күні»  күні балалар жазу мен кітап тарихымен танысты.  «Газет, журналдар күні»  мерзімді баспасөз тарихы туралы әңгіме ұйымдастырып, балалар кітаптардың бетбелгісін жасап, шығармашылық жұмысына қатысты.

«Энциклопедиялар күні»  кітапханада «Бәрін білгім келеді» әңгіме өткізіліп, кітапханашы балаларды «Бәрін білетін кітаптар» көрмесі арқылы энциклопедиялар, сөздіктер туралы білімдерін кеңейтіп, балалар олардың алуан түрлері мен әрқайсының қызметімен танысты. 

«Авторлық ертегілер күні» балалар мерейтой иелерінің шығармаларына саяхат жасады: Ы.Алтынсарин, К.Чуковский, А.Пушкин, Д.Лондон ертегілеріне, С.Михалков, Ж.Жабаевтың өлеңдерімен танысып, шығарма кейіпкерлерімен кездесті. Викториналық ойын сайыстарына  қызыға қатысып, жазушылар шығармаларынан үзінді оқылды.

Балалар кітап апталығының аяқталуы музыка залында салтанатты түрде аяқталды.  Апта аясында өткізілген сайыстардың қорытындысы бойынша женімпаз балалар мадақтама, дипломдармен, ал ата – аналар алғыс хаттарымен  марапатталды.