Халықаралық балалар кітабы күні қарсаңында біздің балабақшада балалар кітап апталығы «Кітапты ашып – әлемді танимыз» тақырыбымен  ашылу салтанаты өтті. Балабақша тәрбиеленушілеріне  «Жақсы кітап – жан азығы" атты ең үздік балалар әдебиеті шығармаларынан кітап көрмесі ұйымдастырылды. Апталықтың ашылу салтанатында сүйікті ертегілер кейіпкерлері: Дымбілмес пен Буратино қатысып, балалармен әртүрлі қызықты ойындар өткізді. Ал Кітап ханшайымы кітап әдебиетін қолдану ережелерін еске түсіріп, «Сүйікті ертегілер ізімен» атты тартымды сайыс өткізді. Кітапханада «Кітап – әлемдегі сегізінші ғажайып» әңгіме барысында балалар кітап тарихымен танысты.

Кітап апталығы жалғасуда!