«Деніміз сау болсын десек - күн тәртібі бізге көмек!» Осы ұранмен біздің балабақшамызда Денсаулық күні өтті. Күн ерекше басталды. Әрбір топта балаларды «Денсаулық сәулелері» күтіп алды, көңілді спорттық әндер шырқалды, балабақша холлдары күн тәртібі бейнеленген газеттермен безендірілді. Балалар үшін ерекше мерекелік ас мәзірі дайындалды, арнайы ұйымдастырылған фитобарымызда балаларды өсімдіктерден жасалған хош иісіті шәймен ертегі кейіпкерлері қарсы алды.

Барлық жас ерекшелік топтарда спортық ойын-сауықтар өткізілді. Өткізілген ойын-сауықтарда балалар өздерін белсенді, көңілді, шапшаң ұстады және сергектік қуатын алды, спорттық викториналарда өздерінің білімдарлық қасиеттерін көрсете білді. Күні бойы балалар саусақ, көрнекі, артикуляция жаттығуларын орындап, психологиялық ойындарға қызығушылықпен қатысты.