«Денсаулық – керемет байлық!» атты ұранымен біздің балабақшамызда Денсаулық күні өтті. Күн көңілді және қызықты басталды. Таңертең балалар мен ата – аналарды әртүрлі  ертегі кейіпкерлер  Дәрумен, Апельсин, Қасқыр мен Түлкі  қарсы алды. Олар барлықтары үшін көңілді шытырман ойындарын ұйымдастырды. 

Күні бойы балалар өз тәрбиешілерімен бірге қызықты спорттық ісшаралар мен викториналарға  қатысты. Бұл күні ерекше мерекелік ас мәзірі әзірленіп, фитобарда балаларға хош иісті шөп шайлары ұсынылды. 

Ең  керемет спорттық сәт «Дені саудың – жаны сау!» атты ата – аналар мен балалар қатысқан спорттық сайыс болды. Бұл күні педагогтар мен ата – аналар ұйымдастырған «Спортландия» көрмесі де өз орын таба білді.  Денсаулық күні   кішкентай сәбилер  үшін де  керемет өтті, олар «Аю өз денсаулығын қалай іздеді?»  қуыршақ театрын тамашалады.  

Ал күннің екінші жартысында балабақша ұжымы үшін көңілді эстафета ойындары  ұйымдастырылып, «Денсаулық күні» өз мәресіне жетті.